Biruni Universiteti Xəstəxanasının ortopediya və travmatologiya mütəxəssisi, dos. Özcan Kaya üzgüçülüyün skolyoz başlanğıcı olanlarda onurğanın əyriliyini artıra biləcəyini söyləyib.

Aztibb.az-ın medimagazin.com.tr-yə istinadla məlumatına görə, Özcan Kaya skolyozun "onurğanın üç müstəvisi olan bir deformasiya" olduğunu və "C və ya S şəklini aldığını" bildirib.

Çəkilən filmlərdə ölçülən onurğada iki fəqərə arasında 10 dərəcədən çox əyrilik varsa bunun skolyoz olaraq təyin olunduğunu deyən mütəxəssis xəstələr arasında 140-150 dərəcəyə qədər əyriliklərin də olduğunu qeyd edib.

Özcan Kaya, 40, 50 və 60 dərəcə əyriliklərə malik deformasiyaların daha çox rast gəlindiyini, onurğada olan deformasiyaların çoxunun sağlam fərdlərdə sonradan meydana gələn struktur problemləri olduğunu açıqlayıb.