Bakı şəhərində 87 tibb müəssisəsini əhatə edən 39 tibb məntəqəsi yaradılıb
24.07.2020 10:54

Bakı Şəhər Baş Səhiyyə İdarəsinin rəisi Nelli Veysova AzTV telekanalının “Hədəf” verilişinə müsahibə verib.

 

Aztibb.az-ın məlumatına görə, N.Veysova ölkədə koronavirus infeksiyasının yayılmasının ən qızğın vaxtında stasionar tibbi yardım xidmətlərinin üzərinə düşən yükün azaldılması məqsədilə yaradılmış tibbi məntəqələrin sayı və vəzifələri haqqında sualı cavablandırıb. Onun sözlərinə görə, Səhiyyə Nazirliyi nəzdində olan İşçi qrup tərəfindən Bakı şəhərində 87 tibb müəssisəsini əhatə edən 39 tibb məntəqəsi yaradılıb. Məntəqələrin iş vaxtı səhər saat 08:00-dan axşam saat 20:00-dəkdir. Axşam saat 20:00-dan sonra isə 103 nömrəsinə zəng etmək lazımdır. Bununla yanaşı, xəstənin stasionar müalicəsinə göstəriş olduğu təqdirdə o, mütləq hospitalizasiya olunmalıdır. Hər bir məntəqədə Ə.Əliyev adına Azərbaycan Dövlət Həkimləri Təkmilləşdirmə İnstitutunda təlim keçən 11 nəfər tibb işçisi çalışır.

 

İdarə rəisi hər məntəqənin fəaliyyətinin Çağrı Mərkəzindən müraciətlərin qəbulu, dislokasiyaları üzrə müəssisələrə ötürülməsi və vətəndaşların sahə həkimi ilə əlaqə yaratmasına dəstək verməkdən ibarət olduğunu qeyd edib. Bundan əlavə, N.Veysova şəhər poliklinikalarının sahələrində təşkil edilmiş tibb məntəqələrinin göstərdiyi səyyar xidmətlərin fasiləsiz işini təmin etmək məqsədilə hər məntəqə üçün xüsusi nəqliyyat vasitəsinin ayrıldığını qeyd edib.

 

Onun sözlərinə görə, artıq istifadəyə verilmiş 40 avtomobil vasitəsilə hər gün saat 08:00-dan 12:00-dək evdə olan xəstələrdən test yaxmaları götürülür, məntəqələrə gətirilir, orada barkodlaşdırılaraq laboratoriyalara çatdırılır, dərman preparatları xəstələrə təqdim olunur. Test nəticələri müsbət çıxan xəstələr isə evdə dərman preparatları ilə təmin olunurlar.

 

Baş Səhiyyə İdarəsinin rəisi hazırda COVID-19 ilə bağlı gələn müraciətlərin sayı haqqında məlumat verərək bildirib ki, Təcili Tibbi Yardım xidmətinə koronavirusla bağlı müraciətlərin sayının 25%-ə qədər, ağır xəstələrin müraciətlərinin sayının isə 30 %-ə qədər azalması müsbət haldır.

ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Uzman həkim Şiraslan Baxşəliyev Gəncə Beynəlxalq Xəstəxanasında pasiyentləri qəbul edəcək
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Böyrək daşı xəstəliyi nədir və necə yaranır?
Qaradağ Tibb Mərkəzində daha bir uğurlu əməliyyat icra olunub
Sürətli döyüntünün tək səbəbi ürək deyil!
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Naftalan Şəhər Mərkəzi Xəstəxanasının nevroloqu Təranə Bayramova - Həkimlərimizi tanıyaq!