3 gün süni ventilyasiya aparatında (SVA-da), 4 gün “CPAP”da müalicə alan körpə sağlam şəkildə evə yola salınıb.
Respublika Klinik Xəstəxanasından Aztibb.az-a bildirilib ki, Qəbələ rayonundan Xəstəxanaya müraciət edən ailənin ilk oğul nəvəsi 2 600 qr çəkidə dünyaya gəlib.
Yenidoğulmuş tənəffüs pozuntusu sindromu diaqnozu ilə 3 gün süni ventilyasiya aparatında (SVA-da), 4 gün “CPAP”da müalicə alıb.
Həyatının ilk günlərində yaşam mübarizəsi verən körpə ailəsinin arzusu ilə İkinci Qarabağ müharibəsi şəhidi, hərbi həkim, baş leytenant Aqşin Ənvərlinin xatirəsinə onun adını daşıyacaq. Körpə doğumunun 11-ci günündə tam sağlam şəkildə evə yola salınıb.
Nəvələrinə sağ-salamat qovuşmalarını sevinc göz yaşları ilə qarşılayan baba və nənə körpənin sağlamlığının keşiyində dayanan Neonatologiya şöbəsinin müdiri Rəna Qasımovaya, həkim-neonatoloq Sevda Qayıbova və ginekoloq Nigar Hüseynovaya təşəkkürlərini bildiriblər.
