Şirvan Şəhər Mərkəzi Xəstəxanasında ilk dəfə olaraq hər iki kondilusun metal lövhə ilə açıq reduksiyadan sonra fiksasiyası əməliyyatı icra edilib.

Bu barədə Aztibb.az-a Şirvan Şəhər Mərkəzi Xəstəxanasından məlumat verilib.

Qeyd olunub ki, xəstəxananın Cərrahiyyə şöbəsinin həkim travmatoloqu Şəmsi Əhmədov tərəfindən travmatoloji əməliyyat uğurla həyata keçirilib.
Belə ki, tibb müəssisəsinə müraciət edən Sabirabad rayon sakini 1965-ci il təvəllüdlü pasiyentə sol qamış sümüyünün Şatsker 4 tipli sınığı diaqnozu qoyulub. Zəruri tibb xidmətlər göstərilən pasiyentin üzərində hər iki kondilusun metal lövhə ilə açıq reduksiyadan sonra fiksasiyası əməliyyatı icra olunub.

Əməliyyat uğurla başa çatıb. Hazırda pasiyentin vəziyyəti stabildir.