Respublika Klinik Xəstəxanasında 17 İyun- Tibb İşçilərinin Peşə Bayramı Günü münasibətilə tədbir keçirilib.
Bu məlumat Aztibb.az-a Xəstəxanadan verilib.
Tədbirdə çıxış edən Respublika Klinik Xəstəxanasının direktoru, əməkdar həkim Elviz Qasımov hazırda Ölkə Başçısı cənab İlham Əliyev və Birinci vitse-prezident Mehriban Əliyevanın tibb sahəsinə diqqət və qayğısı nəticəsində xəstəxanaların maddi-texniki bazasının müasir standartlara uyğun olaraq formalaşdırıdığını,eyni zamanda tibb işçilərinin rifah halının yaxşılaşdırılması istiqamətində mühüm addımlar atıldığını bildirib. E. Qasımov son dövrlərdə TƏBİB tabeli xəstəxanalarda İcbari tibbi sığortanın tətbiqi sayəsində vətəndaşların keyfiyyətli tibbi xidmətə əlçatanlığının təmin edilməsi ilə bağlı tədbirlər görüldüyünü bildirib.
Daha sonra Elviz Qasımov xəstəxana əməkdaşlarını Milli Qurtuluş Günü, Qurban bayramı və Tibb İşçilərinin Peşə Bayramı Günü münasibətilə təbrik edib. Onlara əsas can sağlığı, möhkəm iradə və işlərində uğurlar arzulayıb.
Sonda bir qrup həkim və orta tibb işçisi səhiyyə sahəsində uzunmüddətli və səmərəli fəaliyyətinə görə Fəxri fərman və təşəkkürnamə ilə təltif edilib.
