Sumqayıt Tibb Mərkəzində (STM) Milli Qurtuluş Gününə həsr edilən “Milli qurtuluşa aparan yol” adlı tədbir keçirilib.

Mərkəzdən Aztibb.az-a bildirilib ki, tədbirdən öncə STM kollektivi Sumqayıtda Heydər Əliyevin abidəsini ziyarət edib, xatirəsini ehtiramla yad ediblər.

Ümummilli Liderin və torpaqlarımızın bütövlüyü uğrunda şəhid olan qəhrəmanların ruhu bir dəqiqəlik sükutla yad edilib, Dövlət himni səsləndirilib.

STM-nin direktoru Elnur Azadxanov çıxış edərək Milli Qurtuluş Gününün milli məfkurəmizdəki yerindən və mövqeyindən bəhs edib. Bildirib ki, 1993-cü ildə xalqın təkidli tələbi ilə yenidən siyasi hakimiyyətə qayıdan Ulu Öndər Heydər Əliyev Azərbaycan xalqını parçalanmadan, vətəndaş müharibəsindən, ümumilikdə isə, dövlətçilik prinsiplərini birdəfəlik yox olma təhlükəsindən xilas edib.

Ulu Öndərin həyata keçirdiyi strategiyanın ölkə başçısı İlham Əliyev tərəfindən uğurla davam etdirildiyini bildirən direktor bu günkü Azərbaycanın stabil, dinamik inkişafından söz açıb.

Qeyd edib ki, Prezident İlham Əliyevin rəhbərliyi ilə milli qurtuluş ideologiyasının təntənəsi müstəqil respublikamızın davamlı inkişafında özünü büruzə verir, regionda və dünyada Azərbaycanın nüfuzu daha da artır.

Sonda sonra Ulu Öndərin həyat və fəaliyyətindən bəhs edən videçarx nümayiş olunub.