47 yaşında ana olan qadının hamiləliyi təcili qeysəriyyə əməliyyatı ilə sonlandırılıb və övladı ilə birlikdə evə yola salınıb.

 

Bu məlumat Aztibb.az-a Respublika Klinik Xəstəxanasından verilib.

 

 

Qeyd olunub ki, hamiləliyinin 30-31 həftəliyində EKM (ekstrakorporal mayalanma), ağır dərəcəli preeklampasiya, yaşlı ilkdoğan diaqnozu ilə Respublika Klinik Xəstəxanasına müraciət edən vətəndaş Şəfaqət Hüseynovaya zəruri tibbi xidmətlər göstərilib və hamiləliyi təcili qeysəriyyə əməliyyatına alınıb.

 

1 400 qr çəkidə doğulan qız uşağının vəziyyəti ağır olduğu üçün Neonatologiya şöbəsində müalicə alıb, çəkisi 1 700 qr-a qədər artıb.

 

Vəziyyəti yaxşılaşan ana və uşaq evə yola salınıb.

 

Pasiyent Ş.Hüseynova özünün və övladının sağlamlığının keşiyində dayanan başda Neonatologiya şöbəsinin müdiri Rəna Qasımovaya, həkim-mama-ginekoloq Gülnur Xudiyevaya və həkim-neonatoloq Sevinc İmamverdiyevaya təşəkkürünü bildirib.