Normal inkişafda olan körpələrə, eləcə də müxtəlif əzələ xəstəlikləri olan körpələrə 2 aylıqdan başlayaraq müxtəlif kurslarda üzgüçülük və suya tullanma təhsili verilir.

Aztibb.az medimagazin.com.tr-yə istinadla bildirir ki, körpələrin qavrayış qabiliyyətinə, zəkasına, tarazlığına və koordinasiyasına faydası olduğu düşünülən üzgüçülük məşqi ilə körpələrin inkişafını sürətləndirmək hədəflənir.

Bu çərçivədə İngiltərə Üzgüçülük Federasiyasından lisenziya almış körpə üzgüçülük təlimatçısı Beyza Tuzinoğlu, sağlam inkişafı olan uşaqlarla yanaşı, nadir xəstəlikləri olan və ya hələ diaqnozu qoyulmamış xüsusi qayğıya ehtiyacı olan körpələr və uşaqlarla işlədiklərini söyləyib. 

Oyun və su vasitəsilə körpələrin duyğu, zehni və fiziki inkişafına, əzələlərinin inkişafına töhfə verdiklərini ifadə edən Tuzinoğlu, "Xüsusi qayğıya ehtiyacı olan uşaqların məktəbdə aldıqları təhsillə ciddi addımlar atdıqlarını gördük. Fiziki müalicə, xüsusilə nadir xəstəlikləri olan uşaqlarımız üçün suyun müalicəsi ilə nadir xəstəliklərin maneəsini aradan qaldıra bilərik," - deyib.