Ürək-damar sistemi ilə bağlı problem bütün dünyada əsas məsələlərdən biridir. Hər il ürək xəstəliklərinin sayı artır. Təəssüf ki, bu xəstəliklər daha da cavanlaşır. Belə ciddi xəstəliklə mübarizə aparmaq üçün bir çox yollar var.

 

Bu barədə Aztibb.az-a məlumat verən ürək damar cərrahı, tibb üzrə fəlsəfə doktoru Ramil Əliyevin sözlərinə görə, ilk öncə siqareti buraxmaq lazımdır. Siqaret təhlükəli bir vərdişdir.Əvvəla, siqaret ürək və qan damarlarına böyük zərər verir. Bir siqaret çəkdikdən sonra qan təzyiqi yüksəlir, tromboz və damarların tıxanma riski artır.