Respublika Təcili və Təxirəsalınmaz Tibbi Yardım Mərkəzinə 1 iyun tarixində saat 20:12 radələrində 65 yaşlı şəxsin (cinsi qadın) ürəyində ağrı və halının pis olması səbəbilə çağırış daxil olub.

Mərkəzdən Aztibb.az-a bildirilib ki, çağırış ünvanına dərhal təcili tibbi yardım briqadası göndərilib.

Təcili tibbi yardım həkimi tərəfindən xəstəyə zəruri tibbi yardımlar göstərilib və oksigen terapiyasına başlanılıb.

Xəstəyə elektrokardioqramma (EKQ) çəkildikdən sonra ona kəskin koronar sindrom diaqnozu qoyulub.

Xəstənin səhhətində ağırlaşma yaranmadan uğurla hospitalizasiya olunub.