Yunanıstanın Tesaliya bölgəsindəki Rizomilo və Stefanovikio qəsəbələrində içməli su ilə bakteriyaların qarışması nəticəsində qastroenterit xəstəliyinin baş verdiyi bildirilib.

Aztibb.az bu barədə medimagazin.com.tr-yə istinadla xəbər verir.

Yunanıstan Milli Xalq Sağlamlığı Təşkilatından (EODY) edilən yazılı açıqlamada, mayın 27-dən sonra Rizomilo və Stefanovikio qəsəbələrində çoxlu qastroenterit hadisəsinə rast gəlindiyi bildirilib. Məlumat verilib ki, rayonda aparılan müayinələr zamanı içməli suda çoxlu mikrob və bakteriya, o cümlədən salmonella aşkarlanıb.

Açıqlamada, tualet istisna olmaqla, bu ərazidə şəbəkə sularından istifadə edilməməsi ilə bağlı xəbərdarlıq edilib.

Epidemiya ilə əlaqədar rayonda uşaq bağçalarında və ibtidai məktəblərdə tədris bir gün müddətinə dayandırılıb.

Bələdiyyə kran suyundan istifadə etməmək tövsiyə olunan insanlara butulkalarda su paylamağa başlayıb.

Prokurorluq epidemiyanın səbəbləri ilə bağlı araşdırmalara başlayıb.