Çay, xüsusilə Azərbaycanda mövsümündən asılı olmayaraq sevilən içkilərdən biridir. Çayın sağlamlığa faydaları arasında ürək və sümük sağlamlığını artırmaq, yüksək xolesterolu, stresi azaltmaq, sayıqlığı artırmaq və həzm problemlərini önləmək qabiliyyəti var.

 

 

Endokrinoloq gün ərzində nə qədər çay içməklə bağlı fikirlərini bölüşüb. Fərhad Burzu bildirib ki, qara çayda kifayət qədər yüksək kofein və tanin var. Həddindən artıq çay istehlakı, tərkibindəki 'taninlər' səbəbiylə bədəndə dəmirin əmilməsinin qarşısını alacağından anemiyaya (qan azlığı) səbəb olur. Bundan əlavə, tərkibindəki kofein qan təzyiqini artıra bilər və fərdlərdə taxikardiyaya (ürək döyüntülərinin artması) səbəb ola bilər.

 

Onun sözlərinə görə, gün ərzində 4-5 fincandan artıq çay içmək tövsiyyə olunmur. 

 

Həkim, həmçinin yeməkdən dərhal sonra çay içməyin məsləhətli olmadığını bildirib.