Səhhətindəki ciddi narahatlıqlar səbəbilə Sabunçu Tibb Mərkəzinə müraciətdən 1985-ci il təvəllüdlü (qadın cinsli) şəxs Cərrahi profilli reanimasiya şöbəsinə qəbul edilib. Müayinələrdən sonra pasiyentə 2-ci tip şəkərli diabet, böyrəklərin zədələnməsi diaqnozu qoyulub.

Aztibb.az-a Mərkəzdən verilən xəbərə görə, bununla yanaşı, xəstədə nefrogen hipertenziya xəstəliyi də aşkar edilib.

Diabetik nefropatiya səbəbilə ağırlaşan xəstə 2 gün koma halında qaldıqdan sonra həkimlər- uzman anestezioloq-reanimatoloq Leyla Mercan, Endokrinologiya şöbə müdiri Ülviyyə Sadıqova, Hemodializ şöbə müdiri Nərmin Allahverdiyevanın səyləri nəticəsində yenidən öz sağlamlığına qovuşub.

Pasiyent yaradılan şəraitə və diqqətə görə Sabunçu Tibb Mərkəzinin direktoru Nurəngiz Bəşirovaya həmçinin bütün tibbi heyətə öz təşəkkürünü bildirib.