"Həkimlərimizi tanıyaq!" rubrikamızda Qobustan RMX-nın tabeliyindəki Təklə Ailə Sağlamlıq Mərkəzinin müdiri Vəfa Ağayevanı oxuculara təqdim edirik.

O, 2003-2011-ci illərdə Azərbaycan Beynəlxalq Universitetində Müalicə işi ixtisası üzrə təhsil alıb. 2018-ci ildə Həkimləri Təkmilləşdirmə İnstitutunda terapiya üzrə kurs keçib.

Vəfa Ağayeva 2020-ci ildə Cəlilabad Rayon Mərkəzi Xəstəxanasında, daha sonra Fövqaladə Hallar Nazirliyinin modul tipli hospitalında həkim-terapevt vəzifəsində çalışıb. 2021-2023-cü illərdə Şamaxı Rayon Mərkəzi Xəstəxanasında İcbari Tibbi Sığorta bölməsinin müdiri işləyib. “Proakt care” Şamaxı layihəsi üzrə koordinator olub.
Həmçinin Abşeron Rayon Mərkəzi Xəstəxanası tabeliyində fəaliyyət göstərən Saray modul tipli Vərəm Əleyhinə Xəstəxanada çalışıb.