Respublika Təcili və Təxirəsalınmaz Tibbi Yardım Mərkəzinə 31.05.2024-cü il tarixində saat 16:00 radələrində 22 yaşlı şəxsin (cinsi qadın) tut ağacından yıxılması səbəbilə çağırış daxil olub.

Aztibb.az-a Mərkəzdən verilən xəbərə görə, hadisə yerinə dərhal təcili tibbi yardım briqadası göndərilib.

Təcili tibbi yardım briqadası tərəfindən xəsarət alan şəxsə 12-ci döş fəqərəsinin kompression sınığı diaqnozu qoyulub, dərhal zəruri tibbi xidmətlər göstərilməyə başlanılıb və vaxtında Tərtər Rayon Mərkəzi Xəstəxanasına hospitalizasiya olunub.

Xəstənin neyrocərrahi müdaxilələrə ehtiyacı olduğuna görə Kliniki Tibbi Mərkəzə təxliyə prosesi icra olunub.

Təhlükəsizlik qaydası daşınma protokollarına uyğun olaraq reanimobillə - reanimasion briqada tərəfindən həyata keçirilib.