Bu günədək yalnız paytaxtda fəaliyyət göstərən ixtisaslaşmış tibb müəssisələrində icrası mümkün olan bir sıra mürəkkəb əməliyyatlar artıq region xəstəxanalarında Xidmətlər Zərfi çərçivəsində uğurla icra olunur.

Quba Rayon Mərkəzi Xəstəxanasından Aztibb.az-a bildirilib ki, müəssisəyə açıq kəllə-beyin travması ilə daxil olan xəstəyə KT (kompüter tomoqrafiya) müayinəsinə əsasən sağ alın gicgah nahiyəsində kəllə tağı sümüklərinin basılmış sınığı və həmin nahiyyede epidural hematoma (qansızma) aşkar edilərək üzərində cərrahi əməliyyat icra olunub.

Pasiyent üzərində həyata keçirilən əməliyyat neyrocerrah Nurlan İmanov, Fariz İsgəndərov və anestezioloq-reanimatoloq Paşa Məmmədovun tərəfindən icra olunub.

2 saat davam edən əməliyyat uğurla başa çatıb.

Xəstənin stasionar şəraitdə müalicəsi davam etdirilib və vəziyyəti qənaətbəxş hesab edilərək eve yola salınıb.