Respublika Təcili və Təxirəsalınmaz Tibbi Yardım Mərkəzinə 26 may tarixində saat 09:59 radələrində Xətai rayonu, Süleyman Vəzirov küçəsi ərazisindən yol-nəqliyyat hadisəsi baş verməsi səbəbilə çağırış daxil olub.

Xəstəxanadan Aztibb.az-a bildirilib ki, hadisə yerinə dərhal təcili tibbi yardım briqadası göndərilib.

Ağır yol-nəqliyyat hadisəsi nəticəsində 4 nəfər müxtəlif dərəcəli bədən xəsarətləri alıb. Xəsarət alan şəxslərə təcili tibbi yardım briqadası tərəfindən vaxtında zəruri tibbi xidmətlər göstərilib.

Qeyd edək ki, xəsarət alan şəxslərdən üçü Kliniki Tibbi Mərkəzə hospitalizasiya olunub, 1 nəfərə isə yerində yardım göstərilib.