Respublika Klinik Xəstəxanasında bud-çanaq endoprotezi əməliyyatı olunan pasiyent sağlamlığına qovuşub

Xəstəxanadan Aztibb.az-a verilən xəbərə görə, 10 ildən artıq müddətdə sol bud-çanağında olan ağrılar səbəbilə Respublika Klinik Xəstəxanasına müraciət edən 59 yaşlı vətəndaş Dürrə Quliyeva müvafiq müayinələrdən keçdikdən sonra sol bud-çanaq 4-cü dərəcə koksartroz diaqnozu qoyularaq cərrahi əməliyyat planlaşdırılıb.

Əməliyyat icbari tibbi sığortanın Xidmətlər Zərfi çərçivəsində qarşılanıb.

Əməliyyat xəstəxananın Travmatologiya şöbəsinin müdiri, həkim-travmatoloq Eldar Əsədli və travmatoloq-cərrah Tofiq Abdullayev tərəfindən həyata keçirilib.

Vəziyyəti yaxşı olan pasiyent yeridilərək evə yola salınıb.