Səmərqənd Dövlət Tibb Universitetinin rektoru, tibb elmləri doktoru, professor Jasur Rizaev və universitetin Elm və innovasiyalar üzrə prorektoru, tibb elmləri doktoru, professor Aziz Kubaev Bakı Sağlamlıq Mərkəzinin qonağı olub.
Mərkəzdən Aztibb.az-a verilən məlumata görə, qonaqlar tibb müəssisəsinin fəaliyyəti, müxtəlif şöbələrin iş prinsipi, maddi-texniki təminatı və tibbi turizm imkanları haqqında məlumatlandırılıb. Onlar İ.M. Seçenov adına Birinci Moskva Dövlət Tibb Universitetinin Təlim və Simulyasiya Mərkəzində görülmüş işlər və universitetdə yaradılmış şəraitlə tanış edilib.
Görüşdə Bakı Sağlamlıq Mərkəzimizin İcraçı direktoru dosent Asiman Həsənov qarşılıqlı əməkdaşlıq və fikir mübadiləsinin əhəmiyyətini vurğulayaraq gələcəkdə müxtəlif sahələrdə təcrübə mübadiləsinin mümkünlüyünü qeyd edib.
Professor Jasur Rizaev və professor Aziz Kubaev səmimi qarşılanmaya görə minnətdarlığını bildiriblər.
Görüşdə ölkələr arasında bütün sahələrdə olduğu kimi, səhiyyə sahəsində də əməkdaşlığın genişləndirilməsinin vacibliyi vurğulanıb.
