Bu barədə Aztibb.az-a Respublika Klinik Xəstəxanasının həkim-infeksionisti Tofiq Hacıyev məlumat verib.

 

Həkim bildirib ki, parotid vəzinin şişməsindən 2 gün əvvəl və 9 gün sonra xəstə yoluxdurucudur. Bu xəstəlik daha çox parotis vəzinin şişkinlik və ağrısı ilə müşayiət olunur. Parotis vəzi qulağın ön və aşağı hissəsində, çənəaltı çuxurda yerləşir.

 

Onun sözlərinə görə, xəstənin şikayəti halsızlıq, yorğunluq, temperatur, çeynəmə zamanı olan ağrılardır:

 

"Ağırlaşma olaraq pankreatit, oğlanlarda - epididmit, orxit, qızlarda ooforit ilə nəticələnir. Gələcəkdə sonsuzluqla da nəticələnə bilir. Nadir hallarda isə artrit, tireodit, karlıq da yaradır. Əksər hallarda təkrari yoluxma olmur.

Milli peyvənd təqviminə əsasən 1 və 6 yaşlarda vurulur. 6 aydan kiçik körpələri isə anadan keçən anticisimlər qoruyur".