"Fast food"ların zərərli olmasının başlıca səbəbi hazırlanmasında istifadə olunan qidaların dondurulub, daha sonra düzgün olmayan yağlarda bişirilməsidir.

 

Bu barədə Aztibb.az-a məlumat verən Xətai Tibb Mərkəzinin uzman terapevti Çinarə Səfərova bildirib ki, hazırlanmasında istifadə olunan yağlar gün ərzində 10-12 saat istifadə olunduğunda görə bu yağların tərkibində çox dəyişikliklər gedir və yağın tərkibindəki E vitamini dağılır. Bunun nəticəsində orqanizmdə xərçəng xəstəliyinin yaranması riski artır.

 

Həkimin sözlərinə görə, bu qidaları qəbul etdikdə alınan lazımsız kalorilər orqanizmi yağlandırır, xolestrolun səviyyəsin qaldırır, qan damar sistemin zəiflədir, qanda şəkərin miqdarın tez bir zamanda qaldırır.

 

"Bu qidaları qəbul edərkən bədən lazım olan vitamini almadığına görə bədəndə A,C eləcədə kalsium çatışmazlığı yaranır ki, bu da ürəkdə, orqanizmin skelet sistemində, gözdə xəstəliklərin yaranmasına səbəb olur", - deyə Çinarə Səfərova əlavə edib.