Erkən mərhələ düz bağırsaq törəmələrinin müalicəsində ən müasir və az invaziv yöntəm hesab edilən TAMİS əməliyyatının keçirilməsi nəinki ölkəmizdə, həm də qonşu ölkələr arasında sadəcə Respublika Diaqnostika Mərkəzində (RDM) mümkündür.

Bundan əlavə, RDM artıq transanal cərrahiyyə sahəsində dünyada ekspert mərkəzlər sırasındadır.

RDM-dan Aztibb.az-a bildirilib ki, ölkəmizdə keçirilən Azərbaycan Minimal İnvaziv Cərrahlar Cəmiyyətinin Milli Konqresinin canlı cərrahiyyə proqramında Dr. İlqar İsmayılov tərəfindən icra olunan TAMİS əməliyyatı canlı şəkildə iştirakçılar tərəfindən izlənilib.

Həm yerli həkimlər, həm də xarici ekspertlər tərəfindən bu əməliyyat yüksək diqqətə və müzakirələrə səbəb olub.