Elmi konfrans: "Travmatik beyin zədələnmələri: multidisiplinar yanaşmanın üstünlükləri”
13.05.2024 09:21

Azərbaycan Neyrocərrahlar Assosiasiyasının təşkilatçılığı ilə "Travmatik beyin zədələnmələri: multidisiplinar yanaşmanın üstünlükləri" adlı konfrans keçirilib.

 

Bu məlumat Aztibb.az-a Yeni Klinikadan verilib.

 

Beynəlxalq səviyyədə tanınan, təcrübəli mütəxəssislərin iştirak etdiyi tədbirin əsas məqsədi neyrotravmanın müalicəsi zamanı multidisipilnar yanaşmanın vacibliyi haqqında müzakirələr aparmaqdır.

 

Tədbirdə TƏBİB-in İcraçı direktorunun müşaviri, Yeni Klinikanın direktor müavini, Somatika və STROK mərkəzinin rəhbəri Pərvin Əkbərov, Qazi Universitetinin Sağlık bilimleri fakültəsi Fizioterapiya və reabilitasiya bölməsinin rəhbəri, kafedra müdiri prof. Deran Oskay, Türkiyə Kardiopulmonar Fizioterapiya və Reabilitasiya Cəmiyyətinin sədri, prof. Meral Boşnak Güçlü, uzman fizioterapevt Ece Baytok, neyrocərrah,  professor Kristian Matula və “Ever Neyro Farma” şirkətinin tibbi işlər üzrə direktoru Axel Kohlmentz iştirak edib.

 

Konfransı giriş sözü ilə açan Azərbaycan Neyrocərrahlar Assosiasiyasının idarə heyətinin sədri Rövşən Xəlilzadə baş beyinin travmatik zədələnmələrinin istənilən coğrafiyada olduqca aktual problem olduğunu bildirib. Bu baxımdan reabilitasiyada perspektivlərin də danışılacağı və bol fikir mübadiləsinin aparılacağı tədbirin əhəmiyyətli olduğunu qeyd edib.

 

Türkiyə Kardiopulmonar Fizioterapiya və Reabilitasiya Cəmiyyətinin sədri, prof. Meral Boşnak Güçlü kəllə beyin travmalar sonrası reanimasiyada reabilitasiyanın önəmi, keçirilmiş travmalarda orqanizmin bərpası, xəstəliyin gedişatı barədə çıxış edib.

 

Tədbirdə professor Deran Oskay kəllə beyin travmalarında fizioterapiyanın önəmindən, müalicə prosesinin düzgün gedişatı ilə bağlı çıxış edərək müxtəlif ölkələrdə təcrübəsindən bəhs edib.

 

Professor Kristian Matula neyrotravmanın müalicə prosesi və neyrotravmadan sonra keçirilən reabilitasiya prosesinin gedişatı mövzusunda çıxış edərək, reabilitasiyanın bütün dünyada təcrübəsinin düzgün şəkildə keçirilməsinin vacibliyini vurğulayıb.

 

Qeyd edək ki, konfrans Səhiyyə Nazirliyindən akkreditasiya olunaraq 11 DTT balı qazanıb.

Səadət Məmmədova
Müəllifin digər yazıları
ÇOX OXUNANLAR
 Quba Regional Perinatal Mərkəzinin komandası 28-ci həftəsində doğulan körpənin həyatını xilas edib   
Saray Ailə Sağlamlıq Mərkəzinin terapevti Sevinc Zeynalova vəfat edib
Hidrogen xərçəng də daxil olmaqla geniş spektrli xəstəlikləri müalicə edə bilər
Ağcabədi Rayon Mərkəzi Xəstəxanasının kardioloqu - İlqar Quliyev
Hepatoloq Tofiq Əkbərov Türkiyədə XV Beynəlxalq Hepatoloji Konqresdə iştirak edib  
Endokrinoloq mühüm elementi olan “xərçəng əleyhinə” menyu təqdim edib
Həyat yoldaşına böyrəyini bağışladı
 Tibb Müəssisələrinin Akkreditasiyası və Keyfiyyətə Nəzarət Mərkəzi yaradılır - Fərman
Rəşad Mahmudov Lənkəranda Ümummilli Lider Heydər Əliyevin 101 illiyinə həsr olunmuş elmi seminarda çıxış edib
Sumqayıtda tədbir: “Azərbaycan səhiyyəsinin inkişafı Heydər Əliyevin adı ilə bağlıdır” 
 Doğuş prosesini təcili tibbi yardım avtomobilində idarə edən tibb işçiləri təltif olunublar   
Estetik cərrahiyyə və kosmetoloji sahədə qanun pozuntularına yol verən 9 klinika rəhbərliyi məsuliyyətə cəlb olunub
Yuxunun kifayət qədər olmaması orqanizmi infeksiyalara qarşı həssas edir - MÜSAHİBƏ
Milli Oftalmologiya Mərkəzinin Dəmiryol Səyyar Klinikası tərəfindən Astarada tibbi aksiya keçirilib
Xroniki xəstəlik nədir?