Azərbaycanın ən böyük dövlət və özəl sektor müəssisələrinin peşəkarlarının bir araya toplaşaraq öz təcrübələrini, layihə idarəetməsinin müasir tendensiyalara uyğunlaşması haqqında yanaşmalarını bölüşdüyü tədbir Layihələrin İdarə Edilməsi üzrə Azərbaycan Assosiasiyasının təşkilatçılığı ilə baş tutub.

Bu barədə Aztibb.az TƏBİB-in feysbuk səhifəsinə istinadla xəbər verir.

Tədbirdə TƏBİB-in İcraçı direktorunun müavini Araz Nəsirov açılış nitqi söyləyib, tədbirin Azərbaycanda layihə idarəetməsi mühitinə faydasından və TƏBİB-in səhiyyə sahəsində gördüyü işlərdən, uğurlardan bəhs edib.

Daha sonra tədbirin spikerlərindən biri olan, TƏBİB-in Layihələrin idarə olunması şöbəsinin müdiri Fəqan Həsənzadə "Səhiyyə sahəsində layihələrin idarə edilməsi - Milli prioritetlərin yeni reallıqlara çevrilməsi" mövzusunda çıxış edib.

Çıxış zamanı TƏBİB-in səhiyyə sahəsində layihə idarəetməsi dəst-xətti, yanaşması ilə bağlı təcrübələr bölüşülüb və qurumun gördüyü işlərin, strateji baxışının ölkə səhiyyəsinə verdiyi faydalardan bəhs edilib.