"Tərtər Rayon Mərkəzi Xəstəxanası" publik hüquqi şəxsin həkim heyəti tərəfindən "İmmunizasiya həftəsi’’ çərçivəsində immunizasiyanın vacibliyi barədə maarifləndirmə tədbir keçirilir.

Xəstəxanadan Aztibb.az-a verilən məlumata görə, tədbir uşaq baxçası-körpələr evi və məktəblərdə təşkil olunub.

İmmunlaşdırma sayəsində hər il milyonlarla uşaq ciddi xəstəlik və ölümdən xilas olunur. Azərbaycanda qəbul olunmuş peyvənd təqviminə uyğun olaraq, uşaqları əhatə edən 11 yoluxucu xəstəliyə qarşı planlaşdırılmış peyvənd tədbirləri həyata keçirilir.

"İmmunlaşdırma həftəsi” zamanı peyvəndlərin vacibliyi və təhlükəsizliyi barədə davamlı olaraq əhali qrupları maarifləndiriləcək.