Abbasov Mübariz İlqar oğlu səhhətindəki kəskin narahatlıqlar səbəbilə Kliniki Tibbi Mərkəzə (KTM) müraciət edib.

 

KTM-dən Aztibb.az-a verilən xəbərə görə, onikibarmaq bağırsaq xorası diaqnozu ilə müraciət edən xəstədə müayinələrdən sonra dekompensasiya olunmuş piloroduodenal stenoz aşkarlanıb və əməliyyat təyin edilib.

 

KTM-in Cərrahiyyə şöbəsinin müdiri Nazim Həsənovun iştirakı ilə xəstə üzərində laporoskopik subtotal qastrektomiya əməliyyatı icra edilib. 1 saatdan çox davam edən əməliyyat uğurla başa çatıb. Əməliyyatdan sonra xəstədə hər hansı narahatlıq və ya ağırlaşma müşahidə olunmayıb.

 

Xəstə tam sağaldıqdan sonra evə buraxılacaq.