Katarakta əməliyyatı zamanı Amerika istehsalı olan linzalar icbari tibbi sığorta ilə qarşılanır
16.04.2024 10:47
Katarakta xəstəliyinin müayinə və müalicəsi icbari tibbi sığortanın Xidmətlər Zərfi ilə qarşılanır. Vətəndaşlar ixtisaslı həkim müayinəsi, funksional-diaqnostik müayinələr və cərrahi əməliyyat kimi tibbi xidmətlərdən ödənişsiz şəkildə yararlana bilirlər.
2023-cü il ərzində 35 791 sayda katarakta əməliyyatı icra olunub ki, bunların 28 619-u özəl, 7 172-si dövlət tibb müəssisələrinin payına düşür.
Kataraktanın müayinə və müalicəsi həkim-oftalmoloq tərəfindən aparılır. Göz strukturlarının və görmə qabiliyyətinin müəyyənləşdirilməsi, göz təzyiqinin ölçülməsi, göz dibinin müayinəsi, ön kameranın dərinliyinin, büllurun qalınlığının, gözün uzunluğunun müəyyənləşdirilməsi və s. kimi müayinə metodları sözügedən xəstəliyin diaqnozunu təsdiqləməyə imkan verir.
Katarakta irəlilədikcə görmə qabiliyyətini əhəmiyyətli dərəcədə azaldaraq pasiyentin sosial-ictimai həyat keyfiyyətinə təsir etməyə başlayır. Bu xəstəliyin dərman preparatları ilə müalicəsi mümkün deyil. Problemin aradan qaldırılması cərrahi əməliyyat tələb edir. Pasiyentin bulanıq bülluru cərrahi müdaxilə ilə çıxarılaraq süni büllurla, yəni “göziçi linza”larla əvəz edilir. Cərrahi əməliyyatla yanaşı, əməliyyat zamanı istifadə edilən linzalar, dərman və tibbi sərf icbari tibbi sığorta ilə qarşılanır.
Amerika Birləşmiş Ştatları istehsalı olan “göziçi linzalar” da sığorta ilə təminata alınıb. Bundan əlavə, icbari tibbi sığorta çərçivəsində icra olunan katarakta əməliyyatları zamanı vətəndaşların seçiminə əsasən Almaniya, İtaliya, Türkiyə, Çin və Hindistan istehsalı linzalardan da istifadə olunur.
Əməliyyat təxminən 15-20 dəqiqə çəkir. Reabilitasiya dövrü qısadır, əməliyyatdan sonra xəstə eyni gündə evə buraxılır və növbəti gün normal həyat tərzinə qayıda bilər.
Qeyd edək ki, el arasında “mirvari suyu” adlandırılan katarakta xəstəliyi geniş yayılmış və korluğa səbəb ola bilən göz xəstəliklərindəndir. Katarakta göz bəbəyinin arxasında yerləşən büllurun şəffaflığını itirərək bulanıq görməyə səbəb olur. Xəstəliyin əsas əlamətləri görmənin “tərləyən şüşədən görmə” kimi bulanıqlaşması, görmə kəskinliyinin və rəng görmə qabiliyyətinin azalması, gecə görmənin pisləşməsi və işığa qarşı həssaslıqdır. Katarakta anadangəlmə (irsi) və ya qazanılmış ola bilir.
Məlumat üçün bildirək ki, icbari tibbi sığorta ilə qarşılanan tibbi xidmətlərdən istifadə etmək üçün TƏBİB-in tabeliyindəki istənilən dövlət tibb müəssisəsinə və Azərbaycan Respublikası Səhiyyə Nazirliyinin 9 elmi-tədqiqat institutuna şəxsiyyət vəsiqəsi ilə müraciət etmək kifayətdir.
Bu bölməyə aid digər xəbərlər
Yeni Klinikanın ürək-damar cərrahiyyəsi komandası tərəfindən ilk dəfə eyni anda üç əməliyyat icra olunub
29.04.2024 | 15:30
Mərkəzi Gömrük Hospitalının rəis müavini “Qida təhlükəsizliyi” simpoziumunda çıxış edib
29.04.2024 | 13:19
KTM-də 35 gün reanimasiya şəraitində komada qalan xəstə iki ay sonra yeriyərək evinə getdi
29.04.2024 | 11:02
Təcili tibbi yardım briqadaları ölkə üzrə imtahanların keçirildiyi ərazilərdə xidmətdə olub
29.04.2024 | 10:45
Peyvənddən kənarda qalan uşaqlarla bağlı regionlarda silsilə tədbirlər keçirilib
29.04.2024 | 10:15
Sumqayıtda Ümummilli Lider Heydər Əliyevin 101-ci ildönümü münasibətilə 1101 ədəd zeytun ağacı əkilib
29.04.2024 | 09:42
“Dəyişən iqlim şəraitində əməyin mühafizəsinin təşkili və əmək gigiyenası” mövzusunda tədbir keçirilib
28.04.2024 | 16:04
Xocalı RMX-da akademik Zərifə Əliyevanın xatirəsi anılıb
28.04.2024 | 15:13
Səhiyyə Nazirliyinin rəhbərliyi akademik Zərifə Əliyevanın xatirəsini yad edib
28.04.2024 | 13:15
Səmərqənd Tibb Universitetinin nümayəndə heyəti ATU ilə tanışlıqdan razı qalıb
28.04.2024 | 10:20
ÇOX OXUNANLAR
Kardioloq Fikrət Sadıqzadə ürək çatışmazlığından vəfat edib
22.04.2024 | 09:45
Diyetoloq arıqlamaq üçün daha tez-tez gülməyi və əsnəməyi məsləhət görüb
29.04.2024 | 17:25
Həddindən artıq su qəbulu beyin şişməsinə səbəb ola bilər
23.04.2024 | 07:58
Suyun düzgün içilməsi ilə bağlı keçmişin məsləhətləri
29.04.2024 | 09:15
TƏBİB Cavanşir Məmmədovun ölümü ilə bağlı məlumat yayıb
20.04.2024 | 14:53
Sümük bulyonu arıqlamağa kömək edir
29.04.2024 | 08:26
Həyata keçirdiyi hər bir proseduru dəqiqliyi ilə yoxlayan həkim - Nuranə Abbasova
23.04.2024 | 10:12
Nahidə Mahmudova Dövlət Gömrük Komitəsi Tibbi Xidmət İdarəsinin Mərkəzi Hospitalının rəis müavini təyin olunub
24.04.2024 | 11:11
Tibb müəssisələri arasında şəhid ailələrinin üzvlərinin işlə təmin olunması sayına görə Sumqayıt Tibb Mərkəzi ilk yerdədir
21.04.2024 | 09:25
Tərtər Rayon Mərkəzi Xəstəxanasının terapevti - Ülviyyə Əkbərova
20.04.2024 | 16:52
Seminarda müasir ginekologiyada lazer texnologiyalarının rolundan bəhs olunub
23.04.2024 | 12:02
11 aylıq körpə Mərkəzi Klinikada əməliyyat olunub
22.04.2024 | 14:37
2 nömrəli Bakı Baza Tibb Kolleci Həmkarlar İttifaqı Komitəsinin hesabat-seçki konfransı keçirilib
23.04.2024 | 10:01
Aynurə Əliyeva - Suraxanı Tibb Mərkəzinin psixoloqu
28.04.2024 | 17:01
TƏBİB Bakı Baş Səhiyyə Mərkəzinin tabeliyində olan tibb müəssisələri üzrə vakant yerlər elan edir
25.04.2024 | 10:32