Sabunçu Tibb Mərkəzinin Xəstə xidmətləri şöbəsinin illik fəaliyyətilə bağlı hesabat tədbiri təşkil olunub.

Mərkəzdən Aztibb.az-a bildirilib ki, tədbirdə Sabunçu Tibb Mərkəzinin direktoru Nurəngiz Bəşirova, direktor müavini İlahə Şükürova, Xəstə xidmətləri şöbəsinin müdiri Taleh Qurbanov, həmçinin digər şöbə müdirləri və tibbi heyət iştirak ediblər.

Xəstə xidmətləri şöbə müdiri Taleh Qurbanov rəhbərlik etdiyi şöbə əməkdaşlarının illik fəaliyyəti və qeydiyyat işinin təşkili haqqında iştirakçılara məlumat verib.

Sabunçu Tibb Mərkəzi və tabeliyində fəaliyyət göstərən 2 nömrəli Doğum evinin, Uşaq Yoluxucu Xəstəlikləri Xəstəxanasının, Maştağa Xəstəxanasının Qeydiyyat bölmə müdirləri və Koordinasiya bölmə müdiri illik vətəndaş müraciətlərinin sayını, ambulator və statsionar üzrə statistik məlumatları təqdimatlarla diqqətə çatdırıblar.

Direktor Nurəngiz Bəşirova çıxış edən qeydiyyatçıları dinləyərək Xəstə Xidmətləri şöbəsinin və Qeydiyyat bölməsinin fəaliyyətini yüksək dəyərləndirib. Əlavə olaraq, xəstə məmnuniyyətinin artırılmasında sözügedən şöbənin əhəmiyyətli rol oynadığını da vurğulayıb.

Tədbir tibbi heyətin sual-cavabları ilə yekunlaşıb.