Tibb təhsilinə 1997-ci ildə N.İ.Piroqov adına Rusiya Milli Tədqiqat Tibb Universitetində başlayan Sədi Allahverdiyev 2005-ci ildə həmin ali tibb ocağının Mama-ginekologiya kafedrasında kliniki ordinaturanı, 2008-ci ildə isə aspiranturanı bitirib. O, 2009-cu ildən etibarən Mərkəzi Gömrük Hospitalında mama-ginekoloq kimi fəaliyyət göstərir.

 

Həkim Mərkəzi Gömrük Hospitalında hamiləliyin təyini və təqibi, hamiləlikdə şəkərli diabetin və qan uyğunsuzluğunun araşdırılması və profilaktikası, doğum (keysəriyyə və normal doğum ümumi və spino-epidural anesteziya ilə), zahılıq psixozu, doğum sonrası Pap smear müayinəsi, hamiləlikdən qorunma yolları, cinsi yolla yoluxan xəstəliklər, ginekoloji xəstəliklər, törəmələr və onların cərrahi müalicəsi - açıq və endoskopik cərrahiyyə, miomaların cərrahi və konservativ müalicəsi, yumurtalıq şişlərinin endoskopik cərrahiyyəsi, bədxassəli ginekoloji törəmələrin cərrahi müalicəsi, polikistoz yumurtalıq sindromlarında müalicə, uşaqlıq və sidik kisəsi sallanmalarının müalicəsi, sidik tutabilmədə problemlərin konservativ və cərrahi müalicəsi, uşaqlıq boynu xərçəngi və neoplazmaların profilaktikasında xüsusi tədbirlərin icrası, uroginekologiya və kosmetik ginekoloji cərrahiyyəni, sonsuzluğun konservativ və cərrahi müalicəsini, kist, endometriozis, histerektomiya kimi ginekoloji əməliyyatları və ginekoloji xəstəliklərin müalicəsini həyata keçirir.

 

Sədi Allahverdiyev 2003-2009-cu illərdə Rusiya Federasiyası, Moskva şəhərində N.İ.Piroqov adına 1 nömrəli klinik xəstəxanasında mamalıq, ginekoloji və onkoginekoloji şöbələrində, 2011-ci ildə isə Almaniyanın Frauenklinik Klinikum Aschaffenburg xəstəxanasında mama-ginekoloji şöbəsində mama-ginekoloq kimi fəaliyyət göstərib.

Daim öz üzərində işləyən, qabaqcıl təcrübəni öyrənərək öz işində tətbiq edən Sədi Allahverdiyev Azərbaycanda və xarici ölkələrdə təşkil olunmuş müxtəlif yerli ve beynəlxalq elmi-praktik konfranslarda, konqreslərdə davamlı olaraq məruzələrlə iştirak edir. O, 2005-ci ildə Rusiyanın paytaxtı Moskva şəhərində Ginekologiyada laporoskopiya və histeroskopiya, 1 aylıq təkmilləşmə kursu, 2007-ci ildə Uşaqlıq boynunun patologiyası və kolposkopiya kursu keçib, 2017-ci ildə Moskvada Mama-ginekoloqların Şərqi Avropa sammitində, 2018-ci ildə Mama-ginekoloqların II Avrasiya Sammitində iştirak etmiş və Keysəriyyə əməliyyatında yeniliklər üzrə kurs keçib.

 

2018-ci ildə Dövlət Gömrük Komitəsi tərəfindən Fəxri fərmanla təltif olunub.