Samiq Sadıxov Naxçıvan Dövlət Universiteti Tibb fakültəsinin tələbələri ilə görüşüb
05.04.2024 13:38
Naxçıvan Muxtar Respublikası səhiyyə nazirinin birinci müavini, nazir vəzifələrini müvəqqəti icra edən Samiq Sadıxov Naxçıvan Dövlət Universiteti Tibb fakültəsinin tələbələri ilə görüşüb.
 
Aztibb.az-a Naxçıvan MR Səhiyyə Nazirliyindən bildirilib ki, əvvəlcə Vətənimizin bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib, Dövlət Himni səsləndirilib.
 
Səhiyyə nazirinin birinci müavini, nazir vəzifələrini müvəqqəti icra edən Samiq Sadıxov səhiyyə sahəsində aparılan əsaslı islahatlardan və bu sahənin inkişafına göstərilən qayğıdan danışıb. Bildirib ki, Naxçıvan səhiyyə sistemində aparılan islahatlar və kadr potensialının təkmilləşməsi əhalinin sağlamlığının təmin olunmasına verilən dəyərin və göstərilən qayğının bariz nümunəsidir.
 
Qarşıya qoyulmuş hədəflərə nail olmaq üçün səmərəli fəaliyyətin önəmini qeyd edən Samiq Sadıxov peşəkar kadrların uğurun zəmini olduğunu bildirib. Vurğulanıb ki, görüşün keçirilməsinin də əsas məqsədi gələcəyin tibbi kadrlarının düzgün yönləndirilməsi, bu istiqamətdə yarana biləcək problemlərin vaxtında həll olunmasıdır. Sonra tələbələrə Naxçıvandakı iş imkanları barədə məlumat verilib və onların sualları cavablandırılıb.
 
Sonda nazirliyin əməkdaşı Günəş Qədimova səhiyyədə könüllülük prinsipi əsasında ötən ildən bəri reallaşdırılan “Səhiyyə Könüllüləri” layihəsinin yaxın günlərdə yeni formatda təqdim ediləcəyi barədə məlumat verib. O, tələbələri təqdimatda iştirak etmətə dəvət edib və könüllülük fəaliyyətinə qoşulmağı təklif edib.
Səadət Məmmədova
Müəllifin digər yazıları
ÇOX OXUNANLAR
Kardioloq Fikrət Sadıqzadə ürək çatışmazlığından vəfat edib  
Həddindən artıq su qəbulu beyin şişməsinə səbəb ola bilər
TƏBİB Cavanşir Məmmədovun ölümü ilə bağlı məlumat yayıb 
Suyun düzgün içilməsi ilə bağlı keçmişin məsləhətləri
Həyata keçirdiyi hər bir proseduru dəqiqliyi ilə yoxlayan həkim - Nuranə Abbasova
Nahidə Mahmudova Dövlət Gömrük Komitəsi Tibbi Xidmət İdarəsinin Mərkəzi Hospitalının rəis müavini təyin olunub
Sümük bulyonu arıqlamağa kömək edir
 Tibb müəssisələri arasında şəhid ailələrinin üzvlərinin işlə təmin olunması sayına görə Sumqayıt Tibb Mərkəzi ilk yerdədir   
Tərtər Rayon Mərkəzi Xəstəxanasının terapevti - Ülviyyə Əkbərova
Seminarda müasir ginekologiyada lazer texnologiyalarının rolundan bəhs olunub
11 aylıq körpə Mərkəzi Klinikada əməliyyat olunub
2 nömrəli Bakı Baza Tibb Kolleci Həmkarlar İttifaqı Komitəsinin hesabat-seçki konfransı keçirilib
TƏBİB Bakı Baş Səhiyyə Mərkəzinin tabeliyində olan tibb müəssisələri üzrə vakant yerlər elan edir
Aynurə Əliyeva - Suraxanı Tibb Mərkəzinin psixoloqu
 Yevlax Rayon Səhiyyə İşçiləri Həmkarlar İttifaqı Komitəsinin hesabat-seçki konfransı keçirilib