28.03.2024-cü il tarixində 3 yaşlı kişi cinsli pasiyentdə danışıq qüsüru və qida qəbulunun çətinliyi, həmçinin yediyi yeməyin burundan xaric olunması kimi şikayətlərlərlə valideynləri tərəfindən Abşeron Rayon Mərkəzi Xəstəxanasına müraciət edilib.
Aztibb.az-a Abşeron RMX-dan verilən xəbərə görə, ixtisaslı həkim müayinəsi zamanı pasiyentə anadangəlmə damaq yarığı (qurdağızlıq) diaqnozu qoyulub. Pasiyentə 01.04.2024-cü il tarixində palatoplastika əməliyyatı icra olunub. Uğurlu keçən əməliyyatdan sonra xəstə 03.04.2024-cü il tarixində yaxşılaşma ilə evə buraxılıb.
Azyaşlının yaxınları onlara göstərilən yüksək səviyyəli xidmətə görə xəstəxana rəhbərliyinə, bütün kollektivə və xüsusilə üz-çənə cərrahı Xəyal Aşurəliyevə təşəkkürlərini bildiriblər.
