3 il sonsuzluq sonrası qadın müalicə üçün Xətai Tibb Mərkəzinin ginekoloqu Zülfiyyə Allahverdiyevaya müraciət edib.

 

Mərkəzdən Aztibb.az-a verilən xəbərə görə, 1980-ci il təvəllüdlü Gülşad Novruzova 3 il əvvəl ailə qurub, hamiləlik baş verməyib. Xətai Tibb Mərkəzində müayinə nəticəsində qadında endometriyanın polipi aşkarlanıb. Histeroskopik polipektomiya əməliyyatından sonra ginekoloq tərəfindən 2023-cü ildə histerosalpinqoqrafiya müayinəsi aparılıb, boruların keçiriciliyinin olmamasının müalicəsinə başlanılıb. Müalicə fonunda hamiləlik baş verib. Hamiləliyin ikinci trimestrində qaraciyərin funksional sınaqları hepatozun başlanmasını təsdiq edib.

 

Tibb müəssisəsində qadının preeklampsiya riski öncəllənib və hamiləlik vaxtında sağ-salamat doğuşla başa çatıb. Ana çəkisi 3160 qr, boyu 53 sm oğlan uşağı ilə mərkəzdən evə yola salınıb.