ABŞ rəsmiləri Texas və Kanzas ştatlarında inəklərdən alınan süd testlərinin nəticələrinin quş qripi üçün müsbət çıxdığını açıqlayıblar. Səlahiyyətlilər, inəklərin karantinə alındığını və iki-üç həftə ərzində sağaldığını bildiriblər.

Aztibb.az-ın medimagazin.com.tr-yə istinadla məlumatına görə, Texas Heyvan Sağlamlığı Komissiyası Texas və Kanzas ştatlarında inəklərdə yorğunluq, iştahsızlıq və laktasiya problemlərinin müşahidə edildiyini, südlərinə tətbiq edilən testlərin quş qripi üçün müsbət çıxdığını bildirib.

Yaşlı inəklərdə iştahsızlıq və digər klinik simptomları yaxından qiymətləndirmək üçün testlər əsasən Texas və Kanzasda aparılıb. Kanzasdakı iki süd fermasından və Texasdakı bir süd fermasından pasterizə olunmamış südün diaqnostik nümunələri, eləcə də başqa bir süd fermasından alınan nümunələrin ştatlarda HPAI (quş qripi) üçün müsbət olduğu təsdiqlənib.

Heyvan Sağlamlığı Komissiyası süd müəssisələrinin yaxınlığında tapılan ölü çöl quşlarından sınaq nümunələri götürdüklərini və vəhşi quşların quş qripi gətirmiş ola biləcəyini vurğulayıb.