"Həkimlərimizi tanıyaq!” rubrikamızda Ağdaş Rayon Mərkəzi Xəstəxanasının nevropatoloqu Namizət Məmmədov haqqında məlumatları diqqətə çatdırırıq.
Məmmədov Namizət Həsrət oğlu 17 aprel 1955-ci ildə Ağdaş rayonu, Şəkili kəndində anadan olub. 1974-1980-ci illər ərzində Azərbaycan Tibb Universitetinin Müalicə-profilaktika fakultəsində təhsil alıb. 1980-1981-ci illərdə Mingəçevir Şəhər Xəstəxanasında internatura keçib.
O, 1983-2020-ci illərdə Ağdaş Rayon Mərkəzi Xəstəxanasında həkim-nevropatoloq, 2020-2022-ci illərdə “Aynur DM” MMC-də həkim-nevropatoloq, 2022-2024-cü illərdə Yevlax Rayon Mərkəzi Xəstəxanasının Terapiya şöbəsində həkim-nevropatoloq işləyib. 2024-cü ildən Ağdaş Rayon Mərkəzi Xəstəxanasının Poliklinika şöbəsində həkim-nevropatoloq vəzifəsində çalışır.