Həkimin sözlərinə görə, bradikardiya bəzi insanlarda heç bir şikayətə səbəb olmasa da, digərlərində başgicəllənmə, gözlərin qaralması, halsızlıq və yorğunluq, huşunu itirmə, nəfəs darlığı və ürəyin dayanmasına səbəb ola bilər: "Əgər insan fiziki olaraq sağlamdırsa və mütəmadi idmanla məşğul olursa, onda ürək vurğularının sayının 60 dan az olmasına baxmayaraq orqanların qan dövranında elə bir problemi olmur. Sinir sistemi xəstəlikləri, miokard infarktı, qalxanvari vəzi funksiyasının azalması (hipotireoz) və bəzi dərman preparatlarının təsiri nəticəsində də nəbzimiz aşağı düşə bilər".