Pectus carinatum (üst sinə deformasiyası) uşaqlarda rast gəlinən anomaliyalardan biridir. Bu anomaliya zamanı döş sümüyü quş dimdiyi formasına bənzəyərək irəli çıxır. Bu, hətta körpəlikdə, uşaq aktiv şəkildə böyüməyə başlayanda nəzərə çarpa bilər.

Aztibb.az xəbər verir ki, bu barədə Mərkəzi Klinikanın uzman uşaq cərrahı Fuad Hüseynov sosial şəbəkədə məlumat paylaşıb.

Həkim qeyd edib ki, vaxtında həkimə müraciət etmək problemi erkən yaşda həll etməyə imkan verir. Bəzi hallarda ortopedik breketlər və ya cərrahiyyə ilə korreksiya tələb oluna bilər:

Digər tərəfdən, pectus excavatum (çökük sinə), döş qəfəsinin içəriyə doğru batması görünüşünü yaradan girintili bir qabırğa ilə xarakterizə olunur. Bu da inkişaf anormallığıdır və erkən yaşlarda valideynlərin diqqətini cəlb edə bilər. Uşağın tənəffüsü, ürək-damar sistemi və ya psixososial komfortu ilə bağlı mümkün problemləri dəyərləndirmək və həll etmək üçün mütəxəssis konsultasiyasının zəruridir. Bəzi hallarda, xüsusilə ağır deformasiya zamanı, cərrahi müdaxilə də tələb oluna bilər".