Azərbaycan Respublikası Kənd Təsərrüfatı Nazirliyinin Meyvəçilik və Çayçılıq Elmi-Tədqiqat İnstitutunun direktoru biologiya üzrə fəlsəfə doktoru, dosent İlham Qaraqurbanlı və institutun direktor müavini aqrar elmlər üzrə fəlsəfə doktoru Sevil Süleymanova ETN Molekulyar Biologiya və  Biotexnologiyalar İnstitutunda (MBBİ) olublar.

MBBİ-dən Aztibb.az-a bildirilib ki, qonaqlar institutun laboratoriyaları, aparılan elmi-tədqiqat işləri, alınan mühüm nəticələr ilə tanış olublar.

Daha sonra Molekulyar Biologiya və  Biotexnologiyalar İnstitutu ilə Meyvəçilik və Çayçılıq Elmi-Tədqiqat İnstitutu arasında bitki biotexnologiyası və molekulyar fitopatologiya sahələrində qarşılıqlı maraq doğuran mövzular və innovasiyalar üzrə əlaqələndirilmiş birgə elmi-tədqiqat işlərinin yerinə yetirilməsi müzakirə edilib, əməkdaşlıq haqqında müqavilə imzalanıb.