Martın 22-də Rusiyanın Moskva vilayətinin Krasnoqorsk şəhərindəki “Krokus siti holl” konsert zalında terror aktı törədilib. Naməlum şəxslər məkana daxil olaraq insanları güllələməyə başlayıb, daha sonra yanğın törədərək hadisə yerindən uzaqlaşıblar.

Aztibb.az “Report”-a istinadla xəbər verir ki, Rusiyanın səhiyyə naziri Mixail Muraşko “Rossiya-24”ə verdiyi açıqlamada hadisə zamanı 70-dən çox insanın öldüyünü bildirib.

Qeyd edib ki, teror zamanı 147 nəfər yaralanıb, onlardan 60-nın vəziyyəti ağırdır.

Nazirin sözlərinə görə, 5-i azyaşlı olmaqla 100-dən çox insan xəstəxanaya yerləşdirilib:

“115 nəfəri xəstəxanaya yerləşdirmişik, onlardan beşi uşaqdır. Bir körpə ağır vəziyyətdədir”.