Respublika Təcili və Təxirəsalınmaz Tibbi Yardım Mərkəzinə 21.03.2024-cü il tarixində saat 12:23 radələrində 33 yaşlı şəxsin (cinsi kişi) halı pis (mədə ağrısı, sinədə göynəmə və yanmadan şikayət ) səbəbilə çağırış daxil olub.
Mərkəzdən Aztibb.az-a bildirilib ki, dərhal çağırış ünvanına təcili tibbi yardım briqadası göndərilib.
Ünvana gedən təcili tibbi yardım briqadası tərəfindən xəstəyə ilkin tibbi yardım göstərilib və elektrokardioqramma ( EKQ) nəticəsinə əsasən qeyri-stabil stenokardiya diaqnozu ilə Ə.D.Məlikov adına Binəqədi Tibb Mərkəzinə hospitalizasiya olunub.
Təcili tibbi yardım briqadasının vaxtında və düzgün aparılan yardımı nəticəsində xəstənin vəziyyəti ağırlaşmadan həyati təhlükəsi aradan qaldırılıb.
Hazırda xəstənin vəziyyəti stabildir.