Qarabağ müharibəsi əlilləri və şəhid ailələri dövlətimizin hərtərəfli diqqət və qayğısı ilə əhatə olunub. Prezident İlham Əliyevin rəhbərliyi ilə həyata keçirilən siyasətin əsas istiqamətlərindən birini müharibə veteranlarının, əlillərinin, şəhid ailələrinin sosial müdafiəsinin gücləndirilməsi, onların hər cür qayğı ilə əhatə olunması təşkil edir.
Siyəzən Rayon Mərkəzi Xəstəxanasının rəhbərliyi tərəfindən Novruz bayramı münasibəti ilə Siyəzən rayon şəhidlərinin ailələri ziyarət olunub.
Bu məlumat Aztibb.az-a tibb müəssisəsindən verilib.
Siyəzən Rayon Mərkəzi Xəstəxanasının direktor əvəzi, baş həkim Taleh Xankişiyev Siyəzən rayon şəhidləri Atakişiyev Ramiz və Mirzəyev Ülvinin ailəsinə baş çəkib və onlara bayram sovqatı verilib.
Siyəzən Rayon Mərkəzi Xəstəxanasının Vətən müharibəsi iştirakçısı olan əməkdaşları da diqqətdən kənarda qalmayıb, onlara maddi yardımlar edilib.