Respublika Təcili və Təxirəsalınmaz Tibbi Yardım Mərkəzinə 6 yaşlı uşağın (cinsi qız) evdə travma alması nəticəsində çənədə kəsiyin və qanaxmanın olması səbəbilə çağırış daxil olub.

Mərkəzdən Aztibb.az-a bildirilib ki, dərhal çağırış ünvanına təcili tibbi yardım briqadası göndərilib.

Ünvana gedən təcili tibbi yardım briqadası tərəfindən xəstə üzün sağ tərəfinin kəsilmiş yarası diaqnozu ilə Sabunçu Tibb Mərkəzinə çatdırılıb.

Hospitalizasiyaya qədər yara nahiyəsi antiseptik məhlulla birincili işlənərək qanaxmanın qarşısı alınıb və steril sarğı qoyulub.

Təcili tibbi yardım briqadasının vaxtında və düzgün aparılan yardımı nəticəsində xəstənin həyati təhlükəsi aradan qaldırılıb.

Hazırda xəstənin vəziyyəti stabildir.