Səhiyyə Nazirliyi, Təhsil Nazirliyi və Ailə, Qadın və Uşaq Problemləri üzrə Dövlət Komitəsinin birgə əməkdaşlığı ilə Bakı şəhəri 336 və 52 nömrəli nömrəli məktəblərdə “Həyatının memarı sən özünsən” mövzusunda maarifləndirici tədbirlər təşkil olunub. 

Bu məlumat Aztibb.az-a Səhiyyə Nazirliyi İctimai Səhiyyə və İslahatlar Mərkəzindən (İSİM) verilib.

Dövlət Komitəsinin əməkdaşı Nailə İbrahimova çıxış edərək, gənc nəsli sağlam həyat tərzi seçməyə, zərərli vərdişlərdən uzaq olmağa çağırıb.

İSİM-in Layihələrin əlaqələndirilməsi şöbəsinin müdir müavini, həkim Ülkər Camalova “Zərərli vərdişlər və narkomaniya ilə mübarizə” adlı geniş təqdimatla çıxış edərək, iştirakçılara zərərli vərdişlərin fəsadları barədə ətraflı məlumat verib. Gənc nəslə sağlam qidalanmaq, zərərli vərdişlərdən uzaq olmaq, hər gün fiziki aktivliyə vaxt ayrırmaq tövsiyə olunub.

Yekunda iştirakçıları maraqlandıran suallar cavablandırılıb və onlara İSİM tərəfindən hazırlanaraq çap edilən maarifləndirici materiallar təqdim edilib.