2006-cı ildən etibarən hər il martın ikinci cümə axşamı Ümumdünya Böyrək Günü qeyd edilir.

Aztibb.az xəbər verir ki, bu günlə əlaqədar keçirilən tədbirlərin məqsədi ictimai səhiyyə sahəsində çalışan mütəxəssislərin və ictimaiyyətin diqqətini geniş yayılmış xroniki böyrək çatışmazlığı, böyrək xəstəliyinin aşkarı və müalicə üsullarına yönəltməkdir.

Vaxtaşırı həkim müayinəsindən keçərək yaranan bir problemi vaxtında aşkar etməklə böyrəklərimizi qorumaq mümkündür. İl ərzində bir dəfə uroloji ultrasəs müayinəsi, qanda kreatin və sidiyin ümumi analizini verməklə əksər hallarda ilkin mərhələdə böyrək xəstəliyini aşkar etmək olar.