ABŞ-də təcrübə qazanmış uzman neyrocərrah Nicat Bayramlı hazırda fəaliyyətini Kliniki Tibbi Mərkəzdə davam etdirir.

 

Mərkəzdən Aztibb.az-a bildirilib kik, o, 2007-2013 illərində Azərbaycan Tibb Universitetinin Müalicə Profilaktika Fakültəsində tibb təhsili alıb. 2015-2021 illərində Türkiyənin İzmir Şəhərində Sağlık Bilimleri Universiteti İzmir Tepecik Eğitim ve Araştırma Hastanesi Neyrocərrahiyyə Mərkəzində Uzmanlıq təhsili alıb. Uzmanlıq elmi işi müdafiəsini İstanbul Universiteti Cerrahpaşa Neyrocərrahiyyə Laboratoriyasında Dondurulmuş və Fiksasiya edilmiş insan beyinlərində “Amiqdalanın Mikrocərrahi anatomiyası” mövzusunda tamamlayıb.

 

Uzmanlıq təhsili sonrası İstanbul Universiteti Cerrahpaşa Neyrocerrahiyyə Mərkəzində Epilepsiya cərrahiyyəsi və Endoskopik yolla kəllə əsası şişləri əməliyyatlarında iştirak edib.

 

Nicat Bayramlı 2022-ci ildə İstanbul Memorial Xəstəxanası Onurğa Mərkəzində çalışıb.

2023-cü ildə Amerika Birləşmiş Ştatları Wisconsin-Madison Universitetinin dəvəti ilə prof. Mustafa K.Başkaya və prof. Robert Dempsey öndərliyində Beynin Damar xəstəlikləri və Kəllə Əsası şişləri əməliyyatlarında, klinik və laboratoriya araşdırmalarında iştirak edib.

 

O, həmçinin Azərbaycanın 2019-2023-cü illər Xaricdə Təhsil Üzrə Dövlət Proqramı Təqaüdçüsü olub. Türkiyə və ABŞ-də bir çox simpozium və konfranslarda iştirak edib. Beynəlxalq məqalələrin və kitab bölümlərinin müəllifidir.

 

Nicat Bayramlı hazırda fəaliyyətini Kliniki Tibbi Mərkəzdə davam etdirir.