TƏBİB tabeliyində fəaliyyət göstərən Yeni Klinikada 12 Mart - Kistoz Fibroz Günü ilə əlaqədar olaraq "Kistoz fibroz xəstələrinin poliklinika müşahidəsinin xüsusiyyətləri və müalicəyə yanaşma" mövzüsunda tədbir keçirilib.

 

Klinikadan Aztibb.az-a bildirilib ki, tədbir “Kistik Fibroz Xəstələrinə Yardım” İctimai Birliyinin təşkilatçılığı ilə baş tutub.

 

Konfransda İcbari Tibbi Sığorta üzrə Dövlət Agentliyinin İdarə Heyəti sədrinin müşaviri Nelli Veysova, TƏBİB-in Ana və uşaq sağlamlığı şöbəsinin müdiri Sevinc Məmmədova, Yeni Klinikanın direktor müavini, Reproduktiv sağlamlıq və ailə planlaması mərkəzinin rəhbəri Gülnar Nuriyeva, Yeni Klinikanın Neonatologiya şöbəsinin müdiri Əkbər Quliyev, KİFYİB-nin rəhbəri Səadət Bayramova, Marmara Universiteti Pendik EAH-ın uşaq ağciyər xəstəlikləri şöbəsinin, həmçinin Selim Çöremen adına “Kistik Fibrozis Teşhis ve Tedavi” mərkəzinin rəhbəri prof. Bülent Karadağ və başqaları iştirak ediblər.

 

Kistoz fibroz (kistik fibrozis) xəstəliyinə fərqindəliyi artırmaq məqsədilə təşkil olunan tədbirdə xəstəliyin müalicəsi və ağciyər infeksiyon ağırlaşmalarına yanaşma mövzuları müzakirə olunub.