Lerik Rayon Mərkəzi Xəstəxanasında növbəti qanvermə aksiyası keçirilib.

 

Xəstəxanadan Aztibb.az-a verilən xəbərə göə, aksiya Azərbaycan Respublikası Səhiyyə Nazirliyi Milli Hematologiya və Transfuziologiya Mərkəzinin Mərkəzi Qan Bankı və Lerik RMX-nın təşkilatçılığı ilə baş tutub.

 

Aksiyada Lerik rayonu ərazisində fəaliyyət göstərən idarə, müəssisə və təşkilatların əməkdaşları, eləcə də ictimaiyyət nümayəndələri iştirak ediblər.

 

Aksiyada iştirak edən donorların sağlamlıq vəziyyəti Mərkəzi Qan Bankının xüsusi tibbi briqadası tərəfindən yoxlanıldıqdan sonra qan götürülüb.

 

Qanvermə aksiyasında 100-ə yaxın donor iştirak edib.

 

Qeyd edək ki, humanitar aksiya çərçivəsində əldə edilən qan ehtiyatı talassemiya, hemofiliya və leykoz xəstəliyindən əziyyət çəkən xəstələr üçün istifadə olunacaq.