Hikmət Allahverdiyev 26.01.2024-cü il tarixində tənəffüs etmədə (spo2 80%), udmada çətinlik, tetraplegiya, polinevrotik hissi pozulma şikayətlərilə Akademik M.Ə.Mirqasımov adına Respublika Klinik Xəstəxanasının Təcili və təxirəsalınmaz tibbi yardım şöbəsinə müraciət edib.

 

Xəstəxanadan Aztibb.az-a verilən məlumata görə, pasiyentə həkim-nevroloq Fəridə Məmmədli tərəfindən baxış keçirilib, Reanimasiya şöbəsinə yerləşdirilib və süni tənəffüs aparatına qoşulub.

 

Vəziyyəti stabilləşdikdən sonra o, Sinir xəstəlikləri şöbəsinə köçürülüb. Zəruri müayinə və müalicələrdən sonra xəstənin udması, tənəffüsü və danışığı tam bərpa olunub. Yuxarı ətraflarında daha çox olmaqla aşağı ətraflarda əzələ gücü 3 bala qədər bərpa olunub.

 

H.Allahverdiyev tibb müəssisəsinin rəhbərliyinə, əməkdaşlara təşəkkürünü bildirib.