Akademik Zərifə Əliyeva adına Milli Oftalmologiya Mərkəzi tərəfindən Qlaukoma Həftəsi çərçivəsində Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin Ahıl Şəxslər üçün Sosial xidmət müəssisəsində tibbi aksiya keçirilib.

Milli Oftalmologiya Mərkəzindən Aztibb.az-a bildirilib ki, aksiya çərçivəsində 55 nəfər müayinə olunub. Müayinə zamanı pasiyentlərdə refraksiya patologiyası, katarakta, presbiopiya və s. aşkar edilib. 

Aksiyanın keçirilməsində məqsəd görmə patologiyasının erkən diaqnostikasını aşkar etmək, profilaktik və müalicə tədbirləri heyata keçirlməkdir.

Müayinələr Akademik Zərifə Əliyeva adına Milli Oftalmologiya Mərkəzinin həkimləri Gülnarə Məmmədova, Gülmin Əhmədova və rezident Səbinə Quliyeva tərəfindən həyata keçirilib.

Eyni zamanda, aksiyada Elmi-məlumat, tədris və təşkilati-metodik bölməsinin müdiri Yazgül Abdıyeva, Səyyar Klinikanın baş həkimi Elçin Həsənov, mühəndis Tural Hüseynov, təşkilat şöbəsinin işçiləri Cənnət Kazımova və Züleyxa Yusifova iştirak ediblər.