Biləsuvar Rayon Mərkəzi Xəstəxanasına yeni baş həkim təyin edilib
04.03.2024 15:31

TƏBİB-in İcraçı direktoru Vüqar Qurbanovun təqdimatı ilə Biləsuvar Rayon Mərkəzi Xəstəxanasına baş həkim təyin edilib. Baş həkim vəzifəsi Asif Əhmədova həvalə olunub.

 
Bu məlumat Aztibb.az-a Rayon Xəstəxanasından verilib.
 
Bildirilib ki, A.Əhmədov 1986-1993-cü illərdə Azərbaycan Tibb Universitetinin Müalicə-profilaktika fakültəsində təhsil alıb. 1994-1998-ci illərdə Biləsuvar Rayon Mərkəzi Xəstəxanasında cərrah-onkoloq, 1998-2017-ci illərdə cərrah-travmatoloq kimi fəaliyyət göstərib. O, 2017-2021-ci illərdə Poliklinika şöbəsinin müdiri işləyib, 2021-ci ildən hazırkı təyinatınadək Sığortanın təşkili və innovasiya şöbəsinin müdiri olub.