Nigeriyanın şimalındakı Yobe əyalətində bəzi məktəblərdə meningit epidemiyası baş verib.
Aztibb.az-ın medimagazin.com.tr-yə istinadla məlumatına görə, Yobe əyalətinin Təhsil Nazirliyinin rəsmilərindən olan Məhəmməd İdris mətbuata verdiyi açıqlamada əyalətdəki bəzi məktəblərdə menenjit epidemiyası aşkar etdikləri barədə məlumat paylaşıb.
O, epidemiya səbəbiylə 20 şagirdin öldüyünü, bəzi tələbələrin isə xəstəxanada müalicə olunduğunu bildirib.
Məhəmməd İdris menenjit epidemiyasına qarşı sağlamlıq tədbirlərini artırdıqlarını və lazımi tədbirləri gördüklərini qeyd edib.
Nigeriya hökuməti 2030-cu ilə qədər xəstəliyi məğlub etmək üçün yeni tədbirlər gördüyünü açıqlayıb. Hava yolu ilə keçə bilən meningit beyindən başlayaraq bütün bədənə təsir edə bilir.